帶子蝦仁雜菌炒意粉

上回買咗呢樽油醋雜菌，梗係要拎黎試下啦。

冰格有帶子同蝦仁，沖洗後，界開蝦仁背脊，檢查下有冇蝦腸，有就整走佢。放少少黑椒粉、魚露調味。

切咗少少菜心粒

再預備少少蒜粒及乾蔥片 

放少少油起鑊，加蒜粒及乾蔥

爆炒蝦仁及帶子，贊少少酒。

放入菜心粒及雜菌炒下，盛起備用。

放少少牛油起鑊，加意粉炒下，即磨少少紫海鹽調味。再將上面既材料回鑊，炒勻就可以上碟啦。

成本七十蚊咁上下，就有兩大碟意粉出籠。

材料同份量，梗係多過街外食好多啦!