八戶屋

母親節，爸爸要開工。

我就同Bibi黎安定商場入面呢間食晚餐，鬼咁多人，好多三、四人既家庭黎食飯。好彩我地兩位，唔駛等太耐。

等位期間，研究下門外貼出黎既大餐牌，諗定食乜都好。

呢度都幾多特飲喎。

入面既坐位好多，但都經常人滿。

我地點咗壽司二人前。

芝士味噌燒茄子

滾熱辣既芝士海鮮煱燒烏冬

蒜蓉炒雜菌，呢間野算抵食架啦，起碼俾足份量你，好過新墟果間日本料理好多。

今次係Bibi請既，舊年我地食Pepper Lunch，Bibi當時話: 第日我搵到錢會帶你去食好D既。雖然佢仲未正式出黎做野，都算叫兌現咗架啦。

23/5，爸爸生日，佢開夜，所以我地都係冇預佢，兩母女又黎食過。

今次再點個烏冬，雖然都係熱，但就冇上次滾得咁澎湃啦。再點粒粒魚生飯、墨魚海膽黃金燒。

呢幾小片既墨魚，麻麻，唔推介。

埋單$200，原來三個月內，儲滿三張單，合共夠$800既話，就可以加$20入會啦。我上次張單就係掉咗啦，算啦，或者我地冇緣呢。